تتبع اخر القصص
جارى التحميل...Loading...

رسالة التأكيد سوف ترسل إليك. تسجيل دخول | حساب جديد

الوهم

اضافة الموضوع بتاريخ 9 مارس 2010 الساعه 12:44 ص
الوهم

كان الخبر كالصاعقه على وقع فايز نال على أثره إغمائه سريعه ثم نهض بعدها غير مستوعب ماسمعه للتو على هاتفه الجوال :

فايز : ماني مصدق ماني مصدق هذا شكله واحد مسوي مقلب !!

صالح : والله لو الخبر صحيح قسم انك بتصير شييييي .

فايز : ماني بقادر انتظر خلنا نروح للشركه.

يصل الاثنان الى الشركه ويطلب مقابلة مسئول التسويق :

مسئول التسويق : اي نعم حنا اتصلنا عليك الف الف مبروك اخوي وتستاهل.

فايز : الحمدلله الحمدلله يعني انا فزت بالمليون ريال.

المسئول : بكل تأكيد وهذا الشيك جاهز باسمك .

فايز (يقرأ الشيك): بس اسمي مكتوب غلط .

المسئول : عادي يصرفونه لك .

صالح : انا كنت شغال في بنك واذا الاسم يختلف عن البطاقه مايصرف .

المسئول : على كذا بتنتظر كم يوم الين يتعدل الاسم وبعدين تجي تستلم .

صالح : ياليت الشيك يكون مصدق الله يخليك عشان نضمن ان المبلغ موجود .

المسئول بنظره غضب : مايحتاج المبلغ في اضعاف اضعافه بالبنك .

فايز : ماعليك منه ياطويل العمر خلاص انا بجيك بعد يومين .

المسئول : لا خليها اربع ايام عشان الشيك يكون موجود .

يخرج فايز من الشركه ويصعد سيارته ويبدا في سرد مصاريفه عند استلام المبلغ :

فايز : اول شي بعطيك ياصديقي خمسين الف هديه .

صالح : شدعوه خلها ميه عشان يصير لها طعم .

فايز : خلاص نخليها اربعين الف اجل .

صالح : لا خلاص خمسين خمسين مقبوله .

فايز : اول شي بسدد ديوني وبعطي امي وابوي وخواتي وبعدين بشتري بيت عشان ارتاح من الايجار وبسوي عملية ليزك عشان ارتاح من النظاره وبسوي زراعة شعر عشان البس بدله وبسافر اوروبا اسوي كشف كامل… تدري من ولدت ماسويت فحص…. وقبل مااروح اروربا بروح مكه اخذ ومنها الى اوربا وامريكا وبجلس ست شهور الف حول العالم واذا رجعت بفتح لي مشروع وبستقيل من وظيفتي المخيسه وبعيش حياتي صح .

صالح : خلصت فلوسك !!!

فايز : خلها تخلص اهم شي مايكون علي ديون وعندي دخل من مشروعي .

يتجه فايز الى منزل والديه ويؤكد لهما ان الخبر صحيح :

ابوفايز : لاتلعب بالفلوس وسدد ديونك للناس وافتح لك مشروع يجيب لك دخل اضافي غير راتبك .

ام فايز : عنده مليون ريال وتبيه يشتغل ..خلاص يترك وظيفته ويجلس بالبيت يرتاح .

ابوفايز : والله لو انه فايز بخمسين مليار…الحين المليون هذي ماتسوي له شي .

فايز : بعطيك انت وامي مية الف ريال وتراها شوي بحقكم .

ام فايز : مابي منك شي اهم شي تخلص ديونك وتنبسط .

ابوفايز : امك صادقه حنا محنا محتاجين وخل الفلوس لك احسن .

فايز : والله ماارتاح الين اعطيك المبلغ .

ام فايز : انا ابيك توديني مكه وبس .

فايز : والله لا اوديك شهر كامل واسكنك في احسن الفنادق .

ابوفايز : خلاص اجل هذي هديتك لنا ومانبي منك شي ثاني .

فايز : لاتتعب نفسك ابوي بتاخذ يعني بتاخذ حتى خواتي ماني مقصر عنهم .

يخرج فايز من منزل والده وتبدا الاتصالات تنهال عليه من المقربين والاصدقاء والجميع يبارك له وكان اخر اتصال من صديقه القديم عصام

عصام : من قده فايز بمليون !

فايز : الحمدلله والله ماكنت متوقع ابد .

عصام : كيف فزت ؟؟

عصام : اشتركت في جريده مسوين مسابقه سحب على مليون ريال والحمدلله طلع اسمي بالسحب ودقو علي .

عصام : انتبه منهم ترى اغلبهم نصابين .

فايز : وش نصابين ياعمي شايف الشيك باسمي .

عصام : الله يوفقك يافايز وترى انا ادور لي شريك بالمؤسسه واذا ودك تدخل انا حاضر .

فايز : ماني مصدق اللي اسمعه ….اخيرا رضيت تدخلني شريك معاك !!

عصام : عشان اريحك من البحث عن مشروع وحتى لو ماتبي تدفع تقدر تدخل شريك بشرط مااعطيك ربح اول سنه .

فايز : لا ياعمي انا تاجر الحين بدخل معاك بس كم تبيني ادفع ؟

عصام : دام كذا اجل مابي منك الا مية الف ريال والمربح بالنص .

فايز : والله بسيطه خلاص اعتمد بعد اربع ايام انا عندك باذن الله .

يعود فايز الى زوجته وييبدا في التفكير معها في المنزل والسفر وغيرها من النواقص وبعد حساب كل المصاريف :

فايز : اخ يالقهر زي ماقال ابوي المليون ماتسوي شي مصاريفي الى الحين اكثر من مليون وثمنميه !!

زوجة فايز : طيب ليه تاخذ بيت خلنا ناخذ شقه ؟

فايز : الشقق غاليه بعد ماتقل عن ستمية الف .

زوجة فايز : ناخذ شقه صغيره ؟

فايز : مافي شقق رخيصه الا باحياء رايحه فيها والصغيره هي اللي بستمية الف !!

زوجة فايز : طيب دام بتفتح مشروع لاتسدد ديونك وسددها من الربح .

فايز : برضو ماتكفي ….بعطي امي وابوي ميتين الف وخواتي بوزع عليهم مية الف وبعطي عصام مية الف وانتي مية الف

وصالح خمسين الف وباقي الكشف الطبي والسفره ومكه وامي !!!!

زوجة فايز : اجل سدد دينك وخلنا على الايجار؟

فايز : ماسوينا شي ..ماينفع ماينفع .

زوجة فايز : والحل طيب ؟

فايز : مدري مدري والله ورطه معقوله يعني مليون ريال وماتكفي !!

ينام فايز على مثل همه اليومي بعد زوال فرحته بالجائزه وفي صباح اليوم التالي يأتي اتصال على جواله من مسئول التسويق :

فايز : وشلون المسابقه الغيت ؟!

المسئول : السحب كان بدون حضور مندوب الغرفه التجاريه وهذا يعتبر مخالف .

فايز : طيب انا وش ذنبي ؟؟

المسئول : هذا اللي صار اخوي ونعتذر لك لان المسابقه توقفت من الغرفه التجاريه لعدم نظاميتها .

فايز : بعد مانهبتو فلوس الناس اللي اشتركت بالجريده ؟طيب انا ابي استرجع قيمة الاشتراك ؟

المسئول : كيف تسترجع وانت استفدت من الاشتراك والجريده تجيك كل يوم بالوقت المحدد؟!

فايز : حرام عليكم ..والله حرام عليكم…….. مارح اسكت وبشتكي عليكم .

المسئول : لاتتعب نفسك اخوي موقفنا سليم جدا جدا وكل اللي بتلاقيه الفشل .

يتصل فايز على صديقه عصام:

عصام : وش استفيد انا لما تشاركني بدون ماتدفع ؟

فايز : ياخي انت اللي قلت لي امس لو ماابي ادفع اشاركك بدون ربح!! وبعدين بتستفيد من خبرتي في البرمجه .

عصام: هذاك امس لكن اليوم اكتشفت ان عندي خساير بالهبل ولازم ادبر مبلغ عشان اغطيها وبعدين انا عندي مهندسين اخبر منك ياخوي اسمح لي .

يغلق فايز السماعه وينظر الى زوجته بحسره :

مكتوب علينا الشقا …الله يعيين بس .

انتهى

فهد احمد العبداللطيف

12 تعليق

  • مسكين فايز 🙁
    حالو حال كتير زيو أتنصب عليهم بحكاية المسابقات والجوايز
    بس ماينلامو في الوقت اللي عايشين فيه
    الواحد يدور اي صورة حلوة لمستقبلو ولو كانت وهم
    أبدعت أناملك أخي فهد
    ويسعدني ويشرفني أني أول وحدهـ تعلق على القصة
    استمر يامبدعنا .. بتوفيق الله

  • ممم
    السـلآم عليكم ورحمة الله وبركاته
    ماشاء الله عليك اخي اسلوبك جدا جميل
    والوهم , مرض حاصل بكثرة في ايامنا هذه
    وفي قصتك وجدت روائع كثيرة ,
    وجدت النصيحة عن العجلة ,
    ووجدت معنى الصديق الوفي وليس صديق المصلحة
    ووجدت ان الركادة وعدم الاستعجال شيء مهم
    واشياء كثيرة وجميله
    حقا جزيت خيرا على ماقدمت
    وسجلني وبشدة من المعجبين
    اتمنى لك التوفيق ,استمر فـ”انا متشوق لكل جديد لك

  • اختي ميمي

    انا اللي اتشرف بحضورك وابداء اعجابكم بكتاباتي المتواضعه والف شكر على ذوقك وروعة ردك

    اخوي عبدالمحسن حياك الله وسعدت جدا بانك فهمت المغزى من القصه وتفصيلك لمعانيها هو مااتمنى وجوده في كل مااكتبه

    اشكركم على الحضور وتقبلو تحياتي

  • دوما يخط البؤس الوساوس ..
    بعيدا عن زواريب الكلام ووهمها
    عش حياتك مع الإله ستنعم ()

    ‏\‏

    *تعليقا على آخر جملة :
    إذا ضاق الأمر اتسع =)

    إلى الامام ~

  • اخي الحبيب فهد … ماشاء الله اسلوبك جداً مشوق من ناحية ترتبط وتسلسل الأفكار في سرد القصة … وهذا يدل على الموهبة المتميزة لديك … وحب الكتابة … اتمنى من كل قلبي التوفيق لك ومزيداً من القصص المثيرة في المرات القادمة إن شاء الله ….

  • اروى العزيزه

    سعيد بتواصلك في المدونه وهذا ابلغ الحرج

    ابولين ابن عمي الغالي
    اشكرك على الزياره والاطراء الجميل ياصديقي وتعال كل يوم ههههههه

  • قصه رائعه
    و كثير تصير هالايام
    بعضهم الكذب و النصب بمقام الصدق استغفر الله

    ابدعت اخوي =)

  • هلا والله بخبايا الروح

    مشكوره على المرور واسف على التأخير

    تحياتي

  • القصة جميلة جدا وكلامك يا اخ فهد رائع جدا انت فنان جامد واتمنى لك التوفيق …

  • واتمنى لك التوفيق ايضا عزيزي محمد شكرا لك

    اعتذر على تأخري بالرد

  • ما شاء الله تبارك الله

    بجد اخوي كتاباتك في قمة الرووعه …
    واناا من متابعيينك بس هااذي اول مرره اكتب تعلييق …

  • اتشرف فيك زائره ومعلقه اختي نودي

    تحياتي لك

إضافة تعليق

(لم يتم نشره.)