تتبع اخر القصص
جارى التحميل...Loading...

رسالة التأكيد سوف ترسل إليك. تسجيل دخول | حساب جديد

قصة: رعب ذاتي

اضافة الموضوع بتاريخ 5 يوليو 2010 الساعه 7:13 م
قصة: رعب ذاتي

كان (فاصل) مستلقياً على أريكه قديمه في غرفته المتفرعة من شقة

يسكنهـــا وحيداً, وكانت الغرفه خاليه من الاثاث إلا من الأريكة وطاوله

صغيره وأبجوره تنير مكان جلوسه مع نور ابيض خفيف يأتي من الصاله .

أمسك بكأس من الزجاج كان قد إستخدمه بعد نفاذ الجبن السائل,وسكب القليـل

مـن زجاجة خمر يحملها ثـم هـز الكأس برفق متأملاً موج الشــراب المتهدر .

بعد صراع بين بلعومه ورشفـة الشــراب الأولـى انتبـه لظـل يقترب من غرفتــه,فنهـض من الاريكه

مسرعا الخطى مرتجفا الركب وأغلق الباب دون ان يتفقد مصدر الظل .

عاد للجلوس وهو يتأمل بالفتحه السفليه لباب الغرفه فلمح الظل يمر امام الغرفه :

فاصل : لاااا الظاهر اني مااتوهم .

نهض مفزوعاً واختبىء خلف الأريكه ممسكاً بهاتفه الجوال وإتصل على جاره وصديقه عبدالله :

فاصل : تعال بسرعه بسرعه .

تسمر بمكانه وعيناه مصوبتان نحو فتحة الباب السفليه متمني ان ماشاهده غير حقيقي .

مرت خمس دقائق وهو على وضعيته بلا حراك منتظراً سماع صوت جرس الشقه وحاملا هم خروجه

من الغرفه لفتح باب الشقه لعبدالله…….. وفجأة !! !!!

صوت طرق على باب الغرفه جعله يتمنى اتساع الاريكه لجسده للأختباء داخلها, واجزم حينها بان من

بالخارج لص يحاول سرقته, فالطرق كان على باب الغرفه وليس باب الشقه فنهض متراجعا للخلف

باحثا في الهواء عن مايسند به ركبتيه المتصافقتين :

فاصل (بصوت مبحوح) : مين…… احم … مين …..؟؟

صوت من خلف الباب : انا عبدالله ياخي افتح .

فاصل : عبدالله مين ؟

عبدالله : اقول ترى ان مافتحت بمشي !

بعد ان استوعب فاصل الموقف اتجه ركضا وفتح الباب وادخل عبدالله ثم أحكم

الباب غلقاً , طالباً من عبدالله الجلوس على الاريكه :

فاصل : كيف دخلت الشقه ؟

عبدالله : باب شقتك مفتوح يادلخ .

فاصل : اجل اللي شفت ظله هذا حرامي .

عبدالله : وش بيسرق ياحسره !!


فاصل : اقصد اني ماكنت اتوهم .

سكب فاصل القليل من الخمر ومد الكأس الى عبدالله :

فاصل : تفضل

عبدالله (بابتسامه) : في الجنه ان شاء الله .

تتحول الابتسامه على اشمئزاز .


عبدالله : وخره عن وجهي .


فاصل : وفرت .

يشرب فاصل محتوى الكأس ثم يسكب المزيد ويشربه مستعرضا لذة المراره امام عبدالله :


عبدالله (باستهزاء): لا قوي ماشاء الله …وش تبي مناديني ؟ لاتقولي شفت أسد يطل عليك من الشباك مثل امس ؟


فاصل : هههههه لا ماشفت شي ؟


عبدالله (بغضب) : اجل ليش مناديني ؟


فاصل (مصرفاً) : يقولون الشراب مايحلى الا بالصحبه هههههههه .


عبدالله : وانا وش دخلني فيك اشاركك بالاثم .

ينهض (عبدالله) للخروج واثناء إمساكه لمفتاح الباب ينتبه (فاصل) للظل من فتحة الباب السفليه :

فاصل : لحظه لحظه لاتفتح .


عبدالله(يلتفت له) : وش فيك ؟


فاصل (بهمس) : الحرامي واقف برى اقسم بالله شفت ظله .


عبدالله : وليش مايكون جني ؟؟


فاصل (مرتعباً) : هاه ؟


عبدالله : شفه واقف وراك يناظرني


يهرول فاصل لعبدالله ويسحبه من يده محاولاً الاختباء خلفه ودفعه لمواجهة الجني المزعوم :

فاصل : بسم الله بسم الله .


عبدالله : هههههههه ياخي وش حادك على الشرب دام حالتك بتصير كذا .


فاصل (يظهر رأسه من خلف عبدالله بصوت مرتجف) : وينه ؟


عبدالله : شف النايم بس ….امزح معك ياخوي مافي شي .


فاصل (يجلس على الارض مستندا على باب الغرفه) : ياخي بلا حركات غبيه ماني بناقص .


عبدالله : اترك الشراب وشوف شلون قلبك بيقوى .


فاصل : ابشر .


ينظر عبدالله إلى زجاجة الخمر :

عبدالله : ماراح الا ربع البطل وفقدت اجل وش بتسوي لو خلصتها كلها !؟

فاصل : من قال اني فقدت ؟

عبدالله : مايحتاج…..الامر واضح


فاصل : والله مافقدت .


عبدالله : انا ابي اعرف انت من وين تشتريه عقب مامسكو البنقالي .


فاصل : البنقاليه يتكاثرون في البلد كما يتكاثر البطيخ في كبد الحاشي هههههه .


عبدالله : اهااااااا ….كلامك هذا اكبر اثبات ان الزفت اللي تشربه اشتغل… وخر بس خلني اطلع .


فاصل : لا هذا نوع خفيف مايجيب الرأس …بغيره بكره .


عبدالله : اقول لاتشتري الا من واحد تثق فيه ترى بعضهم يعطيك خمر فيه كحول .

فاصل (يحك راسه) : هاه !! !!


عبدالله : هههههههه واضح انه اشتغل …ودي اطق طق عليك اوسع صدري بس تكسر خاطري .


فاصل : يارجال مايمديك علي تقلع بس .


عبدالله (ينظر الى الطاوله الصغيره): وش هالمزاج المخيس ..اول مره اشوف مزه كورن فليكس!!


فاصل : الخيار خلص وهذا اللي لقيته بالثلاجه عاد وش اسوي .


عبدالله : مع السلامه .

فاصل (يمسك مقبض الباب ) : ياخي لاتطلع صدقني شفت ظل تحت الباب.


عبدالله : ادري يابابا ياحبيبي وعشان كذا بطلع اتصارع معاه واطرده .


يفتح عبدالله الباب وبمجرد وضع قدمه اليمنى خارج الغرفه يتسمر مكانه صارخاً بصوت

عالي, فيدفعه فاصل من الخلف محاولا اخراجه من الغرفه :

فاصل : اطلع اطلع بسرعه بقفل الباب .


عبدالله : ياخوي شقيت ظهري اصبر طلع قطو الله لايبارك بالعدو .

يخرج فاصل رأسه خارج الغرفه تاركا بقية جسده داخلها :

فاصل : خخخخخخخخخخخ تخاف من (بس) الله يرجك .

يدخل فاصل في نوبة ضحك عنيفه


عبدالله : انت ماشفت اللي شفته ورى القطو

يجمد فاصل ضحكته مرتعبا : وش شفت وش شفت ؟

عبدالله : ههههههه جبان من جد ….ماشفت شي بس ابي اوريك انك جبان .

فاصل : اقول لايكثر بس…. كل هالصرخه وبالاخير (بس) خخخخخخخخ .


عبدالله : ردة فعل طبيعيه لانك شحنتني قبل مااطلع فأي شي متحرك بشوفه اكيد بخاف .


فاصل : اقول اطلع بس خلني اكمل سهرتي وسكر باب الشقه وراك

يغلق فاصل الباب ويعود لاريكته قافزاً ويبداً في إرتشاف المزيد من الشراب المر وهو ينظر مره اخرى الى فتحة الباب السفليه فيمر نفس الظل :
فاصل : هههههااي كثري منها اقول بس ……(بصوت عالي) تت تت
.
اثناء ارتشافه للشراب يسمع صوت طرق على الباب

فاصل(يرفع صوته) : عبدالله؟؟؟………. عبدالله؟؟

لا أحد يجيبه

فاصل : عبدالله بلا حركات غبيه اذا انت رد ؟!

لاإجابه

يضع الكاس على الطاوله الصغيره وينهض موجهاّ اذنه الى الباب :

فاصل : مين ؟؟؟…… مين؟؟

لاإجابه

فاصل (متصنعاً) : آآآه قلبي بموت ..عبدالله بلامزح رد اذا انت ؟

صمت

فاصل (يرفع صوته) مصفقا بيده : يلا ياشباب ابي اربعه يجون معي برى ننظف المطبخ .

يصدر الباب صوت طرق قوي فيعود فاصل الى الوراء وينظر الى فتحة الباب السفليه فيجد ظل شخص

يقف امام الباب ويبحث عن جواله للاتصال على عبدالله ولم يجده :

فاصل ( بصوت مرتجف) : يلا شباب نبي نطلع عشره ورى عشره عشان الجيران ماينتبهون لنا

يعود الطرق على الباب بقوه اكبر

فاصل (يحاول تغيير نبرة صوته) : لا يافاصل خلنا نطلع خمسه خمسه عشان مانسوي زحمه

فاصل (بنبرة صوت خشنه) : فاصل تراني خذت الرشاش معي بروح اقنص بكره .

فاصل (بنبرة صوته الحقيقه) : ايه خذه بس انتبه تراه يشتغل باللمس .

يزداد الطرق على الباب وصوت رجل ياتي من خلف الباب :

افتح ياجبان انا عبدالله هاهاهاهاهاهاهاها .

فاصل (بعد لحظة صمت): حسبي الله عليك يا**** روعتني

عبدالله : جزاك الله خير …. افتح الباب اقول بس

يفتح فاصل الباب لعبدالله :

فاصل : تبي توقف قلبي انت ؟؟

عبدالله : خذ جوالك مدري وش جابه بجيبي…..اجل بتقنص بالرشاش هاه خخخخخخخخخخخخخ .


فاصل : اثره عندك وانا جالس ادوره !


عبدالله : عشان تدق علي كالعاده …..اقول تراك ازعجتني كل شوي تكلمني انا بنام وراي دوام ماني بداشر مثلك .


فاصل : لاحق على القرف الاسبوع الجاي بتنتهي اجازتي مع الاسف …المهم وانت

طالع سكر باب الشقه زين وشف (البس) خذه معك .

بعد خروج عبدالله يقرر فاصل ترك باب الغرفه مفتوحاً ويستلقي على اريكته .

سكب قليلا من الشراب والتهمه دفعة واحده ثم استرخىمتأملاً في سقف الشقه ويعد النقط السوداء

الموزعه على انحاء السقف فتنحنح وبدأ يغني :

فاصل : نجوم السقف والغربه تذكرني زمانن فات هههههااااي .

سكب مزيدا من الشراب وابتلعه ثم سكب المزيد وشربه نافخاً به خديه ثم ابتلعه, وفي هذه اللحظه شعر بحاجة للتدخين

فاصل : الظاهر مافي امل ابطل تدخين .

اتجه لاحدى زوايا الغرفه وبدأ ينبش في علب السجائر الملقيه على الأرض فعثر على علبه تحتوي على

سيجاره وحيده وبدأ يتلمسها محدثاً نفسه بلسان ثقيل :

فاصل : يابسه الزقاره بتعور صدري ….بس بشربها ياعمي فالشراب بلا زقاره كالكراج بلا عماره
هههههههه..يووووو الظاهر ان بديت افقد …افقد والا اقعد هههههههه …لا من جد من جد بديت افقد
لازم اشفلي حل …بس كيف اشوف حل؟… ايييوه ابطل شراب وأدخن ….فصدرن مؤلم احسن من
عقلن مظلم …ياهووو ياقزع انت ……. قزع !!! لا مش قزع ……سجق …لا لا هي… هي !!

يضرب جبهته باصابع يده

فاصل:على لساني الكلمه ياشيخ ..ممممم س س س سسسسسجع ياعمي سجع .

بدأ البحث عن ولاعه ولم يجدها في انحاء الغرفه الخاليه ,وعندما فقد الامل في العثور عليها خرج من

الغرفه وهو يلتفت في كل الاتجاهات متجها الى المطبخ فعثر على علبة كبريت تحتوي على عود واحد

فاخرجه وحاول اشعاله ولكن علبة الكبريت ترفض اصدار الشراره .

بعد عدة محاولات اصبح عود الكبريت غير صالح للاشتعال, فالقى السيجاره بعيدا عنه

فاصل : بلا دخان بلا هم

هم بالعوده الى الغرفه مهرولاًوفي طريقه تذكر بأنه ترك الكأس في المطبخ فعاد لاخذه ولكنه لم يجده

فعادت له حالة الرعب الاولى وعاد للغرفه مهرولاً فانتبه للكأس على الطاوله الصغيره بجانب الاريكه فبدأ يحدث نفسه

فاصل : بسم الله وش جاب الكاس هنا ؟!


فاصل : اهاااا اصلا انا ماخذته معي ..هههه عقلي موب معي …وين راح عقلك يافاصل ؟؟ والله
مدري بس مااظنه بيتاخر .

يحمل الكأس ويشرب ماتبقى من الشراب ثم يمسك بزجاجة الخمر متفحصاً ماعليها من كتابه

فاصل : طعمه غريب ..هي وحده من ثنتين ياإني شريت صنف مضروب او الصنف اللي باعني اياه البنقالي الله لايوفقه مضروب .

سكب بالكأس كل ماتبقى من الزجاجه ثم رماه في حلقه واسترخى على الاريكه مغمضاً عينيه فغط في نوم عميق لثواني , ومع صوت اذان الفجر فتح عينيه فوجد رجل

ضخم البنيه غامق البشره اصلع الرأس يلبس ملابس سوداء يطل عليه من خارج الغرفه فقفز من مكانه ساقطا على الارض وهرول حبواً باتجاه شباك الغرفه محاولا الهرب

وهو ينظر الى الباب فلم يجد الرجل :

فاصل : اثره حلم اثره حلم اشوه…… (يضع راحة يده على جبهته ) : يوووووه حلم هههههههههه

نهض من الأرض والتقط زجاجة الخمر الفارغه متجهاً الى المطبخ بترنح ثم وقف امام المغسله وبدا يرج الزجاجه وسكب ماهيء له أنه بداخلها :
فاصل : يعني انا كل يوم بكبه وهو مليان حرام ضيعت فلوسي ….الله لايوفق البنقاليه ماعمري شريت منهم نوع مضبوط ابد. !!!!!

انتهى

فهد احمد العبداللطيف

19 تعليق

  • قصة هزيلة مع احترامي الشديد لك ..

    شراب .. مزه .. دخان .. وتعليقات سخيفه

    ترابط القصة جداً ضعيف

    والاهم ان القصة بلا فائدة ..

    سؤالي لك اخي الكريم ..

    مالفائدة للقرئ في هذه القصة .؟

    ..

    عبدالله يقول راح ربع البطل .. وبعدها شرب ( فاصل ) عدت كؤوس ونفذ البطل .!

  • رائعه جداً .. سلمت عليها يا أخي
    لكن كان بودي أن يكون لها هدف
    لنستفيد مع المتعه ..

    وأشكرك من الأعماق على هذه النقطه

    ( سكب فاصل القليل من الخمر ومد الكأس الى عبدالله :

    فاصل : تفضل

    عبدالله (بابتسامه) : في الجنه ان شاء الله . )

    وفقك الله ”
    وبنتظار القادم =)

  • هلا وغلا اختي روح واشكرك على قراءة القصه
     
    بالنسبه للهدف من القصه يبدو بأن ماأردت ايصاله لم يكن واضحاً
    وهو ايضاح حالة مدمني الكحول  ليتعايش معها غير المدمنين
     وتكون ردة فعلهم بعد قراءة القصه (الحمدلله بأني لست مثل فاصل )
    تحياتي 

  • الغالي نزف القصيد
     
    احترم رأيك بالقصه وبخصوص الفائده من القصه فقد ذكرتها في ردي على الاخت روح كما كنت اتصورها  
     
    اما بشأن الحوار الذي اقتبسته في ردك فيجب ملاحظة ان القصه مختصره ولااستطيع سرد ماحصل بالدقيقه ولذلك فأختصاري قضى على كامل (البطل) 😉
     
    تحياتي واشكرك على ملاحظاتك

  • انا يالغالي مالي خبره بالقصص والترابط والكلام الي تقوله نزف القصيد ماعليك منهاآ لو احلف انها حسوده
    وانا هنيك يالغآآلي واقول لك استمرررررررررررررررررررررررر للامام
    ولا تحرمنا
    بس ودي لو تجيب قصه كذا يعني مممممممم يعني قصة شبآآب في شبآآب وبطريقتك
    دمت مبده 🙂

  • اخوي مجبور اعيش تسلم لي ياعزيزي
    بالنسبه لرد الاخ او الاخت نزف القصيد هو تعبير عن رأي شخصي وانا احترمه بالتأكيد ولذلك قبلت الرد دون تردد
    اما بخصوص طلبك لقصة عن الشباب ابشر من عيوني اول ماتطلع الفكره راح انفذها فورا .
    يسعدني تواصلك 🙂
    تحياتي

  • الصراحه القصه جتني على ايميلي,,

    ولااخفيك من روعتها نقلتها للمنتدى اللي انا مسجله فيه

    وكتبت اسمك في الاخير حفاظا على الحقوق

    اشكرك من الاعماق وبانتضار جديدك بشووق 🙂

  • هلا والله اختي رنا
    اعجز عن شكرك على اطرائك وعلي حفظك لحقوق النقل
    واعدك بالافضل باذن الله
    تحياتي

  • حبيتهآ هالقصة ..

    ممم و مو شرط يكون الهدف منهآ وآَضح وضوح الشمس ..

    في قصص تنقرآ بـس عشآن نعرف كيف الغير يعيشون ~

    يعطيك العآفية .. و بإنتظآر المزيد من الجديد ~

  • اختي ندى العوضي الف شكر على ردك الجميل وتشرفتك بزيارتك للمدونه

    اعتذر عن التأخير
    تحياتي

  • قصه رائعه و بالعكس لها هدف و واضح 🙂
    يعجبني بقصصك ان فيها حس فكاهي
    استمررر اخي .. بانتظار جديدك ^^

  • هلا والله خبايا الروح وشكرا على التوضيح والاطراء

    تحياتي

  • اولا اشكرك على القصة اللي اكثر من رائعه
    جميلة التوصيف ومتقنه بروعه
    لم اكون اتوقع الاسلوب يكون عالي وبجمال توصيفي بليغ
    اتمنى لك التوفيق والسداد
    مع تحياتي لك
    انسى الدنيا

  • تسلم لي اخوي انسى الدنيا وتعليقك الرائع بث الحماس في اصابعي لكتابة قصه جديده 🙂

    تحياتي لك

  • ياسلااااااااام قصة جميلة وهادفة
    واللي عجبني فيها بشكل عام
    ندرة الإخطاء الإملائية

    والى الامام اخي فهد

  • تسلم عزيزي الكعبي وشكرا على اطرائك
    تحياتي

  • تسلم أخوي فهد
    أكثر ما أعجبني في القصة هو التشويق فأنا كنت بانتظار شيء يحصل في كل مرة فاصل أو عبدالله يرون شيئا مخيفاً، وتوقعت أنه ما تم وصفه بالظل مرة وباللص أخرى أو بالرجل الأصلع أخيرا هو ملك الموت جاء ليقبض روح هذا الفاسق فاصل ولكن خاب ظني في النهاية وإن شاء الله يتوب والله يتوب عليه

  • تسلم اخوي مصطفى على تحليلك

    تحياتي

  • أنا شايف انو القصة لها فائدة واضحة ان كل المدمنين بيخربوا بيوتهم وبيضيعوا مستقبلهم وبيضيعوا فلوسهم وبيضيعوا نفسهم

    وبأنتظار القادم شكرا يا فهد

إضافة تعليق

(لم يتم نشره.)

  • اذكــــــــر الله يذكــــــــرك

    نتائج التصويت

    جاري التحميل ... جاري التحميل ...